Бақайдгирии рӯйхати номзадҳои ҲХДТ ва ҲАТ
Душанбе, 21.01.2015. (АМИТ «Ховар», Бекназари Абӯбакр). — Имрӯз бо қарорҳои дахлдори Комиссияи марказии интихобот ва раъйпурсии Ҷумҳурии Тоҷикистон (КМИР ҶТ) 27 нафар номзад аз Ҳизби Халқии Демократии Тоҷикистон (ҲХДТ) ва 13 нафар номзад аз Ҳизби аграрии Тоҷикистон (ҲАТ) ба қайд гирифта шуд. Дар ин ҷаласа, ки таҳти раёсати раиси КМИР Шермуҳаммад Шоҳиён доир гардид, дар баробари масъалаи бақайдгирии рӯйхати номзадҳо дар ҳавзаи ягонаи умумиҷумҳуриявии интихобот тибқи пешниҳоди ҳизбҳои сиёсӣ, инчунин масъалаи бақайдгирии шахсони боэътимоди онҳо мавриди баррасӣ қарор дода шуда, бо қарори КМИР 130 нафар шахси боэътимоди ҲХДТ ва 65 нафар шахси боэътимоди ҲАТ ба қайд гирифта шуд.
Дар ҷаласа зикр шуд, ки Анҷумани ҲХДТ номзадии 28 нафар аъзои ҳизбро тибқи рӯйхат ба вакилии Маҷлиси намояндагони Маҷлиси Олӣ аз ҳавзаи ягонаи умумиҷумҳуриявии интихобот пешбарӣ кард. Бино бар сабаби ба вазифаи нав гузаштан ва аз вакилӣ даст кашидани як нафар номзади пешбаришуда ҲХДТ ба КМИР бо мактуби расмӣ муроҷиат карда, хоҳиш намуд, ки номзадии як нафар тибқи рӯйхати ҳизб ба қайд гирифта нашавад. Бино бар ин, бо қарори КМИР номзадии Лоиқов Қаноатшоҳ Холиқович — иҷрокунандаи вазифаи раиси ноҳияи Рашт аз рӯхати ХХДТ хориҷ шуд. Шермуҳаммад Шоҳиён, раиси КМИР иттилоъ дод, ки фардо, 22 январ рӯйхати номзадҳо дар ҳавзаи ягонаи умумиҷумҳуриявии интихобот тибқи пешниҳоди Ҳизби Наҳзати Исломии Тоҷикистон ва Ҳизби коммунистии Тоҷикистон ва шахсони боэътимоди онҳо ба қайд гирифта хоҳанд шуд.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
