Боздиди ҳайати ВКД ҶТ аз Молдова
Душанбе, 05.01.2015. (АМИТ «Ховар», Муқаддас Темурзода).- Чанде пеш ҳайати Вазорати корҳои дохилии Ҷумҳурии Тоҷикистон бо роҳбарии муовини вазир Умарзода Икром Ислом аз ВКД Ҷумҳурии Молдова боздид намуд.
Назар ба хабари ВКД ҶТ, мақсад аз ин сафар таҳқиқи таҷрибаи Ҷумҳурии Молдова дар амри мубориза бо хушунат дар хона, ташкили кор ба манзури муқовимат ба одамрабоӣ ва иҷрои кор бо ҷабрдидагони чунин ҷинояткориҳо, барқарор намудани равобити дуҷонибаи пулису аҳолӣ ва масоили дигари мубрам буд.
Дар ҷараёни мулоқоту боздид аз сохторҳои мухталифи Вазорати корҳои дохилии Молдова ба масъалаи хидматрасонӣ ба аҳолӣ, аз байн бурдани фасод ва азиятдиҳӣ, баланд бардоштани сатҳи касбияти кормандон, истифодаи технологияҳои муосир ва самтҳои дигари мубориза бо ҷинояткорӣ буд.
Зикр шуд, ки таҷрибаи мусбати кори кормандони мақомоти корҳои дохилии ВКД Ҷумҳурии Молдова дар ислоҳоти милисаи Ҷумҳурии Тоҷикистон ба назар гирифта мешавад.
«Ҷонибҳо аз рӯи натиҷаи ин сафари хидматӣ изҳори итминон намуданд, ки чунин вохӯриҳо ба таҳкими муносибатҳои дӯстонаи байни мақомоти ҳифзи ҳуқуқи ҳар ду кишвар мусоидат хоҳанд кард», — қайд менамояд манбаъ.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
