Дар ҷумҳурӣ 618 ҳазору 915 нафар нафақахӯр аст

 
Душанбе, 12.01.2015. (АМИТ «Ховар», Раъно Нусратуллозода).-Теъдоди умумии нафақагирон то 1 январи соли 2015 дар ҷумҳурӣ 618 ҳазору 915 нафарро ташкил намуд, ки нисбат ба ҳамин давраи соли гузашта 15 ҳазору 756 нафар зиёд мебошад,-иброз дошт муовини аввали директори Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон Назокат Одинаева.
 Зикр шуд, ки андозаи миёнаи нафақа дар ин давра 230 сомониро ташкил намуд. Бо мақсади ворид намудани технологияҳои иттилоотии муосир ба ҷараёни пардохти нафақа ва кумакпулиҳои ба он баробар ва боз ҳам шаффофтар гардидани фаъолият дар ин самт агентӣ то имрӯз дар ҳамкорӣ бо Бонки давлатии амонатгузории Чумҳурии Тоҷикистон «Амонатбонк» пардохти нафақаи 301 ҳазору 879 нафарро дар 30 шаҳру ноҳияи ҷумҳурӣ бо талаботи моҳонаи 73,9 млн. сомонӣ тавассути кортҳои бонкӣ ба роҳ мондааст.