Дастовардҳои варзишгарони тоҷик дар мусобиқоти ҷаҳонӣ

Душанбе,  08.01.2015. (АМИТ «Ховар», Фарзона  Достонзода).- «Соли  2014 — ум 1 ҳазору  510  нафар  варзишгарони тоҷики  аъзои  дастаҳои мунтахаби  кишвар  аз  рӯи  намудҳои  мухталифи  варзиш  дар 90 мусобиқоти  варзишӣ  дар  хориҷа  иштирок  намуданд.  Варзишгарони тоҷик  дар  мусобиқоти  зикршуда 897 медал,  аз ҷумла 250  медали  тилло, 243  медали  биринҷӣ ва  404 медали  нуқра ба даст  оварданд», — гуфт  дар  ҷараёни   нишасти  матбуотӣ  раиси  Кумитаи  умури  ҷавонон, варзиш  ва  сайёҳии  назди  Ҳукумати  Ҷумҳурии  Тоҷикистон  Аҳтам  Абдуллозода, ки   8 январ  баргузор гардид.
Дар  ҷараёни  нишасти  матбуотӣ  зикр  шуд, ки  Кумитаи  умури  ҷавонон,  варзиш  ва  сайёҳӣ  дар  давраи  ҳисобот 108  мусобиқоти ҷумҳуриявии  варзишӣ  доир  намуд, ки дар  онҳо беш  аз 9  ҳазору  719  нафар  варзишгарон,  аз ҷумла  1 ҳазору  341  нафар  занон  иштирок  намуданд, ки  ин  назар  ба  ҳамин  давраи  соли  2013  баробари  41  фоиз  зиёд  аст.