Хатарҳои амниятӣ дар Осиёи Марказӣ ва дурнамои ҳамкории минтақавӣ
Душанбе, 30.01.2015 (АМИТ «Ховар»).- 28 январи соли 2014 дар шаҳри Брюссел бо мусоидати “EAST WEST Institute” ва “Hanns Seidel Foundation” мизи мудаввар дар мавзӯи “Хатарҳои амниятӣ дар Осиёи Марказӣ ва дурнамои ҳамкории минтақавӣ” баргузор гардид.
Дар мизи мудаввар намояндаи махсуси Котиби генералии СММ дар Осиёи Марказӣ, директори Маркази минтақавиии СММ оид ба дипломатияи пешгирикунанда Мирослав Енча, Намояндаи махсуси Котиби генералии СААШ оид ба минтақаи Қафқоз ва Осиёи Марказӣ Ҷеймс Аппатурай, вакилони Парлумони Аврупо, намояндагони Хадамоти аврупоии амалиёти хориҷии Иттиҳоди Аврупо ва як гурӯҳ намояндагони корпуси дипломатии муқими шаҳри Брюссел ва дигар шахсони баландпоя иштирок намуданд.
Намояндаи доимии Ҷумҳурии Тоҷикистон дар Иттиҳоди Аврупо, Сафир Рустам Солиев ба иштирокчиён оид ба вазъи феълии минтақа, мубориза алайҳи терроризм, экстремизм ва гардиши ғайриқонунии маводи мухаддир ва роҳҳои ҳалли мушкилиҳои мавҷуда маълумоти муфассал дода, зарурати таҳкими ҳамкориҳои минтақавиро таъкид намуд.
Зимни муҳокимарониҳо иштирокчиён оид ба масъалаҳои сулҳ, таҳдидҳои амниятӣ ва роҳи ҳалли онҳо ибрози назар намуданд.
Ҷонибҳо ҳамчунин зарурати таҳкими ҳамкориҳои минтақавиро зикр намуда, аҳамияти байналмилалӣ ва истифодаи таҷрибаи нодири сулҳи тоҷиконро дар қазияи Афғонистон таъкид намуданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






