Ховалинг: соҳилҳо мустаҳкам мешаванд

Ховалинг, 07.01.2015. (АМИТ «Ховар», Сулаймони Хол).-Ба хотири пешгирии зарари селфароӣ дар ноҳияи Ховалинг корҳои соҳилмустаҳкамкунӣ идома доранд.  Дарёчаи Оби мазор, ки аз маркази ноҳия мегузарад, дар фасли баҳор бештар сокинони маҳаллаҳои Сари осиёб, Оби рӯшан, Дӯстӣ ва боз чанд деҳаи дигарро азият медиҳад. Сокинони деҳаҳои мазкур дар рӯзҳои истироҳат ба ҳашар баромада, соҳилҳоро бо симтӯр мустаҳкам намуда истодаанд. Дар ин мавзеъ то имрӯз бо кумаки ҳокимияти давлатӣ ва ҷалби соҳибкорони маҳаллӣ беш аз 800 метр соҳили чапи дарёча бехатар гардонида шудааст.  
То оғози боронҳо ва баланд шудани маҷрои оби дарёча сокинони маҳаллаҳои мазкур мақсад доранд боз 700 метри соҳилро бо симтӯр мустаҳкам намоянд.