Хуҷанд: оғози сохтмони бинои нав барои кормандони милитсия
Хуҷанд, 7.01.2015. (АМИТ «Ховар», Абдуаҳад Шарифзода). -Дар шаҳри Хуҷанд бинои нави шуъбаи Вазорати корҳои дохилӣ сохта мешавад.
Тавре ки ба АМИТ “Ховар” роҳбари маркази матбуоти РКВД ҶТ дар вилояти Суғд Акбар Шарипов иттилоъ дод, 6 январ дар назди бинои шуъбаи Вазорати корҳои дохилии Ҷумҳурии Тоҷикистон дар шаҳри Хуҷанд хишти аввалин ба оғози сохтмони бинои маскур гузошта шуд.
Ба гуфти манбаъ, дар расми оғози бунёди ин иншоот Вазири корҳои дохилии Ҷумҳурии Тоҷикистон Раҳимзода Рамазон Ҳамро ва Раиси шаҳри Хуҷанд Раҷаббой Аҳмадзода иштирок намуданд. Бинои иловагии шӯъбаи номбурда аз ду ошёна ва таҳхона иборат буда, он аз ҳуҷраҳои корӣ, толори варзишӣ, маҷлисгоҳ ва чанд имконияти иловагӣ барои фаъолияти пурсамари кормандони милитсияи шаҳрӣ иборат аст.
Иншооти мазкур бо ташаббусу дастгирии мақомоти иҷроияи ҳокиияти давлатии шаҳри Хуҷанд бунёд ёфта, ба истифодадиҳии он моҳи сентябри соли ҷорӣ, дар арафаи иди Истиқлолияти кишвар дар назар аст.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
