Идрорпулӣ ба 3275 донишҷӯи донишгоҳ

Душанбе, 10.01.2015. (АМИТ «Хоар», Рафоати Абдулҳамид).-Тавре ки дирӯз дар нишасти матбуотии Донишгоҳи миллии Тоҷикистон зикр шуд, донишҷўёне, ки давраи аввали сессияи санҷишию имтиҳониро дар вақти муайяншуда супориданд, ба гирифтани стипендия мушарраф гардиданд. Баъди ҷамъбасти сессияи санҷишию имтиҳонӣ аз 6034 нафар донишҷў 3275 (54,2%) нафар донишҷў ба гирифтани стипендия мушарраф гардид.
Теъдоди умумии хатмкунандагон аз рўи ҳамаи ихтисосҳо ва шаклҳои таҳсил, ки донишгоҳро хатм намуданд, 3129 нафар, аз ҷумла 2257 нафар шуъбаи рўзона ва 872 нафарро хатмкунандагони шуъбаи ғоибона ташкил мекунад. Ҳамчунин 178 нафар донишҷў донишгоҳро бо дипломи аъло ва 91 нафар тибқи квотаи Президенти Ҷумҳурии Тоҷикистон  хатм намуд.