Иштироки Қ. Расулзода дар маросими ба истифода додани хонаҳои гумрукчиён

Январь 22, 2015 12:24

Душанбе, 22.01.2014 (АМИТ «Ховар», Фарзонаи Давлат).- Имрўз дар рўзи иди касбии гумрукчиёни Ҷумҳурии Тоҷикистон Сарвазири мамлакат Қоҳир Расулзода дар расми мавриди истифода қарор додани бинои нави истиқоматӣ барои кормандони Хадамоти  гумруки  назди Ҳукумати Ҷумҳурии Тоҷикистон иштирок кард.
Сарвазири мамлакат Қоҳир Расулзода ва сардори Хадамоти гумруки  назди Ҳукумати Ҷумҳурии Тоҷикистон Рустами Эмомалӣ баъди шиносоӣ бо шароити манзилҳои истиқоматии бинои нав ба кори сохтмончён ва ташкилоту  идораҳои дар бунёди бино саҳм гузоштаанд, баҳои баланд доданд.
Тавре  ки таъкид шуд, сохтмони бинои мазкур дар шаҳри Душанбе  бо дастгирии бевоситаи Президенти Ҷумҳурии Тоҷикистон оғоз гардида, дар муддати ҳафт  моҳ  бо  тарҳу  намои босифати замонавӣ бунёд шудааст. Бинои  нуҳ ошёна аз 56 манзили истиқоматии як, ду, се ва чорҳуҷрагӣ  иборат буда,  ба  шабакаи  мутамаркази гармидиҳӣ пайваст мебошад.
Сарвазири Ҷумҳурии Тоҷикистон  зимни суханронии худ дар ҳузури  кормандони мақомоти гумрук нақши ин ниҳоди давлатиро дар таъмини  пешрафти  иқтисодию  иҷтимоии  мамлакат бузург арзёбӣ карда, изҳор дошт, ки новобаста ба мушкилоти зиёди иқтисодию молиявӣ дар соли гузашта гумрукчиёни ҷумҳурӣ иҷрои  нақшаҳои ба зимма дошташонро    бо  мувафаққият  таъмин  намуданд. 
Дар охир аз ҷониби Сарвазири мамлакат Қоҳир Расулзода ва сардори Хадамоти гумруки назди Ҳукумати Ҷумҳурии Тоҷикистон Рустами Эмомалӣ калидҳои манзилҳои истиқоматӣ ба кормандони собиқадор ва мутахассисони варзидаи мақомоти гумрук, ки асосан аз ҳисоби кормандони  қатории  ин  ниҳод  буданд  супорида шуданд.
 
 
 

Январь 22, 2015 12:24

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид