Истифодаи васоити техникӣ дар ҷараёни таҳсилот

Душанбе,  29.01.2015. (АМИТ «Ховар», Раъно Нусратуллозода).- Имрӯзҳо  дар  шаҳри  Душанбе  курсҳои  таҳсилотии «Истифодаи  технологияҳои  иттилоотию   коммуникатсионӣ  дар ҷараёни таҳсил»  идома  доранд.
Тавре  ки  аз  Донишкадаи  молиявию  иқтисодии  Тоҷикистон хабар  доданд,   омӯзгорон  бо  истифодаи  технологияҳои  иттилоотие   шинос  мешаванд, ки  имрӯз  механизми  муҳимтарини   ислоҳоти  низоми  таҳсилоти  маҳсуб  ёфта ва  мақсад  аз  онҳо  баланд  бардоштани  сифат,   дастрасӣ  ба  таҳсилот ва   самарабахшии  он аст.
Зикр  шуд, ки  ҳайати  профессорону  омӯзгорони   донишкада  бояд  васоити  техникиро  дар ҷараёни  таҳсилот истифода  намоянд,   зеро  он   барои  такмили  малакаҳои  дониш   мусоидат менамояд. 
Ғайр  аз  ин,  шунавандагони  курсҳо  усулҳои  истифодаи тахтаи электронӣ ва танзиму истифодаи  барномаҳои MS Office, дар  шабакаи  интернет пайдо  намудани  иттилоот ва  ғайраро ёд  мегиранд.