Кото ва сямисэн Душанберо мафтун карданд

Душанбе,  13.01.2015. (АМИТ «Ховар»,  Анна  Мошенко).- Чанде  пеш  дар Консерваторияи  миллии  Тоҷикистон  консерти  мусиқии  муосир  бо  истифода  аз  асбобҳои анъанавии  мусиқии кото ва сямисэни  Ҷопон  баргузор  гардид. Дар  консерт  асарҳои  бастакорони  маъруфи  Ҷопонро  мутрибони Консерваторияи  шаҳри  Маскав бо  иштироки  муовини  сафири Ҷопон  дар  Тоҷикистон Йошиширо Хорие  иҷро  намуданд.
Сараввал сафири  Ҷопон  дар  Тоҷикистон  Такаши  Камада  ҳаводорони  санъатро  хайрамақдам  гуфт.  Сафир  иброз  дошт, ки  дар  Ҷопон  аз  50  то  80  жанри  мусиқии  анъанавӣ   арзи  вуҷуд  дошта,  ҳамаи  асбобҳои  мусиқӣ  ба  асбобҳои тордор  ва   зарбавию  нафасӣ  тақсим  мешаванд.
Дар  анҷоми  консерт   асари «Парвоз» — и  Саваи  Хакару бо  истифода  аз асбобҳои  кото  ва  сямисэни  иҷро  гардид.