Кумаки Президент ба кормандони милитсия

Январь 9, 2015 15:52

Душанбе, 09.01.2015. (АМИТ «Ховар», Муқаддас Темурзода).- Вохӯрии вазири корҳои дохилӣ Раҳимзода Рамазон Ҳамро бо ҳайати шахсии шуъбаҳои корҳои дохилии ВКД дар ноҳияҳои тобеи ҷумҳурӣ имрӯз дар толори вазорат оғоз гардид.
ВКД ҶТ хабар медиҳад, ки вазири корҳои дохилӣ Раҳимзода Рамазон Ҳамро зикр намуд, ки мақсад аз доир намудани вохӯрӣ бо ҳайати шахсӣ сӯҳбати озод, мубодилаи афкор ва шунидани андешаҳо иборат мебошад.
Дар идомаи вохӯрӣ вазири корҳои дохилӣ аз дастовардҳо ва баргузории чорабиниҳои илмӣ-фарҳангӣ, конфронсҳои байналмилалӣ ва дигар чорабиниҳои варзишӣ ёдовар шуда, изҳор дошт, ки аз ҷониби Сарвари Давлат ба кормандони мақомоти корҳои дохилӣ пайваста таваҷҷуҳи хосса зоҳир гардида, танҳо дар давоми соли 2014 6 маротиба вохӯриҳо гузаронида ба фаъолияти мақомот баҳои баланд дода шуд.
«Дар навбати худ ҳар яки мо бояд фаъолияти хизматии худро дучанд намуда, сазовори боварии Роҳбари Давлат бошем», — афзуд Р. Раҳимзода.
Сипас, барои кормандони мақомоти корҳои дохилӣ бо кумаку дастгириҳои Роҳбари Давлат ба ҷузъу томҳои ВКД нақлиёти хизматӣ, хонаҳои истиқоматӣ, замини наздиҳавлигӣ ва роҳхатҳо барои фароғату истироҳати кормандону собиқадорон ба осоишгоҳҳо ва истироҳатгоҳҳо муҳайё шуданд. 
Ҳамчунин таъкид гардид, ки барои баланд бардоштани савияи дониш, маҳорату малакаи касбӣ ва тарбияи кадрҳои ҷавон чорабиниҳои пешгирикунанда гузаронида шаванд.
 
 

Январь 9, 2015 15:52

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид