Мусобиқаи футбол барои Ҷоми «Осоишгоҳи Баҳористон»

Душанбе, 13.01.2015. (АМИТ “Ховар”, Ситораи Боймурод).- Имрӯз  дар шаҳри Қайроққуми вилояти Суғд мусобиқаи футбол барои Ҷоми «Осоишгоҳи Баҳористон» шурӯъ шуд. Тавре ки дар ин бора хадамоти матбуоти раиси вилояти Суғд хабар додааст, мусобиқаи футбол барои Ҷоми Ҷамъияти саҳҳоми пӯшидаи «Осоишгоҳи Баҳористон» имрӯз, 13-уми январ дар шаҳри Қайроққум оғоз гардид.
 Гуфта мешавад, ки дар мусобиқаи имсола дастаҳои «Истиқлол» (Душанбе), «Хайр» (Ваҳдат), «Хуҷанд» (Хуҷанд), «Эсхата» (Хуҷанд), мунтахаби ҷавонони Тоҷикистон (U-19) ва ҳайати эҳтиётии «Жетису» (Талдиқӯрғон, Қазоқистон), ки дар Қайроққум ба мавсими нави футбол омодагӣ мебинанд, барои Ҷоми «Осоишгоҳи Баҳористон» то 25-уми январи соли равон мубориза мебаранд.