Нақшаи кишти пахта- зиёда аз 54 ҳазор гектар

Хуҷанд, 14.01.2015. (АМИТ “Ховар”, Абдуаҳад Шарифзода).-Соли равон дар шимоли кишвар кишоварзони вилоят азм доранд дар  майдони 54 ҳазору 150 гектар  кишти пахта гузаронанд.
Тавре ки ба  АМИТ  “Ховар”  аз Сарраёсати кишоварзии вилоят иттилоъ  доданд,  бо ин мақсад то даҳрӯзаи аввали соли равон  дар майдони беш аз 34 700 гектар шудгори замини пахта  гузаронида шудааст.
Ҷараёни шудгори замин идома дошта, дар ноҳияи Ашт 2330 гектар,  Бобоҷон Ғафуров 6027 гектар, Зафаробод 7236 гектар, Конибодом 3157 гектар, Мастчоҳ 5810 гектар, Спитамен 5050 гектар ва дар ноҳияи Ҷаббор Расулов 5087 гектар замин шудгор шудааст.