Надоштани дониши иқтисодию ҳуқуқӣ-мушкил барои хизматчиёни давлатӣ
Душанбе, 06.01.2015. (АМИТ «Ховар», Манижа Баҳромзода).- Дар соли 2014 1241 нафар довталаб бинобар сабаби надоштани дониши кофӣ ва ҷавобгӯ набудан ба талаботи тахассусӣ аз озмуни мансаби холии маъмурии хизмати давлатӣ нагузашт. Гурез Қосимзода-муовини якуми директори Агентии хизмати давлатии назди Президенти Ҷумҳурии Тоҷикистон дар робита ба ин масъала гуфт: «Ин довталабон бо сабаби надоштани дониши кофӣ дар соҳаи иқтисод, ки ба соҳаҳои молияву иқтисодӣ дахл дорад, инчунин надоштани дониши ҳуқуқӣ аз озмун нагузаштанд».
Номбурда инчунин гуфт, сабабҳои дигари нагузаштани хизматчиён аз озмуни мансаби холии маъмурӣ- ин мувофиқ набудани хизматчии давлатӣ бо ихтисосаш мебошад: «Масалан ба шуъбаи иқтисод довталаб ҳатман бо доштани ихтисоси иқтисодӣ бояд ҳуҷҷат супорад, аммо ӯ бо доштани ихтисоси омӯзгорӣ ҳуҷҷат месупорад»,-мегӯяд Гурез Қосимзода. Ба гуфтаи мавсуф ҳолатҳое низ мешаванд, ки хизматчиён барои ишғоли вазифаи мудири бахш ҳуҷҷат пешниҳод мекунанд, аммо маълум мегардад, ки собиқаи меҳнатиашон ба ин мансаб мувофиқат намекунад.
Дар соли 2014 дар 3647 мансаби холии маъмурии хизмати давлатӣ озмун гузаронида шуда, 2278 нафар довталаб ба мансабҳои холии маъмурии хизмати давлатӣ таъйин шуд, ки аз ин ҳайат 574 нафар ё 25, 2% (193 зан) ҷавонони то 35- сола мебошанд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
