Назорати истифодаи самараноки замин

Душанбе, 12.01.2015. (АМИТ «Ховар», Рафоати Абдулҳамид).-Имрӯз, 12 январ  зимни нишасти матбуотии  Кумитаи давлатии идораи  замин ва геодезии Ҷумҳурии Тоҷикистон Маҳмадтоҳир Зокиров, раиси ин ниҳод  зикр намуд, ки  кумита ва мақомоти   он дар махалҳо дар соли 2014  корҳои  баҳисобгирии  давлатии миқдори заминҳо, заминсозии  байнихоҷагӣ, тадқиқоти  калонҳаҷми хок, тадқиқоти геоботаникии чарогоҳҳо, бақайдгирӣ ва  барасмиятдароӣ, азнавташкилдиҳӣ ва  таҷдиди корхонаҳои  кишоварзӣ, ташкили шаклҳои  нави  хоҷагидорӣ, корҳои топографӣ- геодезӣ, харитасозӣ, делимитатсия  ва  демаркатсияи сарҳадро  дар  миқёси ҷумҳурӣ  роҳандозӣ  намуд.
Назорат оид ба самараноку  оқилона истифода  бурдани  замин аз  вазифаҳои  асосӣ буда, кумита дар  давраи  ҳисоботӣ назоратро  оид ба  риояи қонунгузории  замин ва самараноку  оқилона  истифода бурдани  он боз ҳам  пурзўр намуд.