Омода намудани иншоотҳои обёрӣ ба мавсим

Душанбе, 21.01.2015. (АМИТ “Ховар”, Рафоати Абдулҳамид).-Аз Агентии беҳдошти замин ва обёрии назди Ҳукумати Ҷумҳурии Тоҷикистон иттилоъ доданд, ки дар  соли 2014  як силсила  қарорҳои  Ҳукумати Ҷумҳурии  Тоҷикистон: «Дар  барои  Агентии   бехдошти  замин  ва  обёрии  назди Ҳукумати Ҷумҳурии Тоҷикистон», «Дар бораи  дастгирии  давлатӣ ва  андешидани тадбирҳо  оид ба солимгардонии  вазъи иқтисодию  молиявии  Ширкати  саҳомии   холдинги кушодаи  «Барқи тоҷик»,  «Дар бораи  ҳисоботи  директори Агентии  беҳдошти  замин  ва обёрии  назди Ҳукумати Ҷумҳурии  Тоҷикистон  оид ба  таҳлили  миқдор, сабабҳо  ва  ҳолати  истифодаи  заминҳои  обие, ки бо об таъмин  намебошанд ва  роҳҳои  ҳалли мушкилоти мазкур» ва «Дар  бораи  муайян  намудани  мақоми  ваколатдори давлатӣ оид ба замин ва дастгирии давлатии ассотсиатсияи истифодабарандагони об” ба тасвир расидаанд, ки онҳо ба рушд ва дастгирии соҳаи беҳдошти замин ва обёрӣ нигаронида шудаанд.
Ба қавли манбаъ, вазифаи аввалиндараҷаи сохторҳои агентӣ- ин омода намудани иншоотҳои обёрӣ, пойгоҳҳои обкашӣ ва таъмин намудани кишоварзон бо об мебошад.