Панҷакент: 36 амрия ҷиҳати ислоҳи камбудиҳо

 Панҷакент,21.01.2015. (АМИТ «Ховар», Гулбаҳори Худойбердӣ).- Дар Маркази ташхиси минтақавии шаҳри Панҷакент бо иштироки намояндагони воситаҳои ахбори омма нишасти матбуотӣ доир гардид. Дар нишаст директори марказ Ислом Бурҳонов гуфт, ки корҳои иҷрошуда дар соли 2014 ба 108 фоиз баробар буда, нисбат ба ҳамин давраи соли 2013  125 фоизро ташкил медиҳад.  Аз тарафи мутахассисони бахши нозироти савдо бошад, дар 128 муассисаи савдои чакана ва хӯроки умумӣ санҷишҳо гузаронида шуда, ба роҳбарони дахлдор 36 адад амрияи ислоҳи камбудиҳо, 4 адад амрияи манъи фурӯши маҳсулот, 20 адад санади хариди назоратӣ ва 2 адад санади нобудсозӣ дода шудааст. Дар ин давра 51 нафар соҳибкороне, ки дар фаъолияташон ба камбудиҳои ҷиддӣ роҳ дода буданд, ба маблағи 10 ҳазору 440 сомонӣ ҷаримабандӣ гардида, ин маблағ ба буҷаи давлатӣ ворид гардид.