Пешниҳоди 25 навъи зироати кишоварзӣ ба Комиссияи давлатӣ

Душанбе, 15.01.2015. (АМИТ “Ховар”, Ситораи Боймурод).- Корҳои илмию таҳқиқотӣ доир ба ҳалли масълаҳои рӯзмарраи рушди соҳаи кишоварзӣ аз рӯйи 75 мавзӯъ дар 9 муассисаи илмии Академия, аз  ҷумла институтҳои зироаткорӣ, боғпарварию сабзавоткорӣ, хокшиносӣ, чорводорӣ, ветеренарӣ, масоили амнияти биологӣ, иқтисодиёти кишоварзӣ, Маркази миллии ҷумҳуриявии захираҳои генетикӣ ва Стансияи таҷрибавии кишоварзии Помир пеш бурда шуданд. Дар ин муассисаҳо 1114 нафар корманд, аз ҷумла 512 ходими илмӣ, аз онҳо 25 доктор ва 116 номзади илм, 5 академик ва 8 аъзои вобастаи АИКТ ба таҳқиқоти илмӣ сафарбар гардид,- гуфт Сиҷоуддин Исроилов, муовини вазири кишоварзии Ҷумҳурии Тоҷикистон имрӯз, 15-уми январ зимни нишасти матбуотӣ.
Дар соли 2014 25 навъи зироати кишоварзӣ ба Комиссияи давлатии озмоиши навъи зироатҳои кишоварзӣ ва муҳофизати навъҳои Вазорати кишоварзии ҶТ барои санҷиши истеҳсолӣ супорида шуд ва 8 навъи он минтақабоб гардид.