Семинарҳои омӯзишии КМИР бо масъулини комиссияҳои ҳавзавӣ
Душанбе, 02.01.2015 (АМИТ «Ховар»).-Имрӯз, 2 январи соли 2015 бо ташаббуси Комиссияи марказии интихобот ва раъйпурсии Ҷумҳурии Тоҷикистон бо иштироки раисон, муовинон ва котибони комиссияҳои ҳавзавии интихобот оид ба интихоботи вакилони Маҷлиси намояндагони Маҷлиси Олӣ, комиссияҳои вилоятӣ, шаҳрӣ ва ноҳиявии интихобот оид ба интихоботи вакилони маҷлисҳои маҳаллии вакилони халқ дар аксарияти минтақаҳои ҷумҳурӣ семинарҳои омӯзишӣ баргузор гардиданд. Аз ҷумла, имрӯз чунин семинари омӯзишӣ дар шаҳри Душанбе низ доир гардид.
Аз маркази матбуоти КМИР ба АМИТ «Ховар» хабар доданд, ки дар семинари омӯзишӣ масъалаҳои омодагӣ ба интихоботи дарпешистода, аз ҷумла иҷрои саривақтии ваколатҳои комиссияҳои интихоботӣ, ки аз қонунгузорӣ бармеоянд, ташкили комиссияҳои участкавии интихобот оид ба интихоботи вакилони Маҷлиси намояндагони Маҷлиси Олӣ, комиссияҳои участкавии интихобот оид ба интихоботи вакилони маҷлисҳои маҳаллии вакилони халқ, омодагиҳо ба маъракаи тартиб додани рӯйхати интихобкунандагон дар ҳар участкаҳои интихоботӣ, инчунин масъалаҳои бақайдгирии номзадҳо ба вакилии Маҷлиси намояндагони Маҷлиси Олӣ дар ҳавзаи якмандатии интихобот ва маҷлисҳои маҳаллии вакилони халқ мавриди баррасӣ қарор дода шуданд.
Зикр кардан ба маврид аст, ки ҳадаф аз баргузории чунин чорабиниҳо омодагии ҷиддӣ ба баргузории интихоботи шаффофу озод, демократӣ ва мутобиқ ба талаботи қонунгузории амалкунандаи ҷумҳурӣ мебошад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






