Ш.Саид К.Такаширо ба фаъол намудани ҳамкориҳо даъват намуд
Душанбе, 09.01.2015. (АМИТ «Ховар», Покизаи Шодмон).- 7 январ дар шаҳри Душанбе мулоқоти раиси ПСС ҶТ Шариф Саид бо Сафири фавқулодда ва мухтори Ҷопон дар ҶТ Камади Такаши баргузор гардид.
Тавре ки аз маркази матбуоти ПСС ҶТ ба АМИТ «Ховар» хабар доданд, зимни мулоқот табодули судманди афкор перомуни масоили мубрам ва дурнамои ҳамкории тиҷоратию иқтисодии ҳар ду кишвар баргузор шуд. Дар ҷараёни мулоқот ҳамчунин масоили рушди муносибатҳо дар бахшҳои неруи барқ, истихроҷи маъдан, саноати сабук ва нассоҷӣ, технологияҳои муосир, коркарди маҳсулоти кишоварзӣ, дорусозӣ, маориф ва сайёҳӣ мавриди муҳокима қарор гирифтанд.
Ҷонибҳо ба рушду таҳкими муносибатҳо дар соҳаи савдо, ҷалби сармояҳои Ҷопон, дастгирии бахши инфиродӣ, бунёди корхонаҳои муштарак ва истифодаи технологияҳои нав таваҷҷуҳи хоса зоҳир намуданд.
Масоили ташкили намоишгоҳ — ярмаркаи маҳсулоти Ҷопон ва технологияҳои муосири ин кишвар дар шаҳри Душанбе, ҳамоиши аҳли тиҷорат ба манзури мусоидат ба рушду густариши равобити дуҷониба ва ҳамкории иқтисодии байни соҳибкорони ҳар ду кишвар дар маркази таваҷҷуҳ қарор доштанд.
Дипломати Ҷопон дар навбати худ омодагиашро ба таҳкими ҳамкории соҳибкорон, рушди муносибатҳои дуҷонибаи тиҷоратию инвеститсионӣ иброз дошт.
Шариф Саид зикр намуд, ки ПСС ҶТ омодааст, ки иттилооти муфассалро дар бораи вазъи сармоягузорӣ ва имкониятҳои инвеститсионӣ дар Ҷумҳурии Тоҷикистон, ҳамчунин иттилооти дигари заруриро манзури ҷониби Ҷопон намояд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






