Шиносоии А. Иброҳим бо корҳои навсозии роҳи Душанбе-Турсунзода

Душанбе, 21.01.2014 (АМИТ «Ховар», Фарзонаи Давлат).-Муовини Сарвазири мамлакат Азим Иброҳим бо ҷараёни корҳои навсозии  роҳи мошингарди Душанбе-Турсунзода-сарҳади Ӯзбекистон шинос шуд.
Зимни шиносоӣ таваҷҷуҳи асосӣ ба масъалаи ислоҳи камбудиҳои ҷойдошта дар корҳои тармиму навсозии роҳ, беҳтаргардонии сифати корҳои  пешбинишуда  ва  вусъати корҳои  ободонию  сабзазоркунии ду канори роҳ зоҳир шуд.
Роҳбарону масъулини  шаҳру  ноҳияҳои  Турсунзода,  Рўдакӣ,  Ҳисор ва Шаҳринав, ки татбиқи лоиҳаи навсозии роҳ дар ҳудуди ин шаҳру  ноҳияҳо  амалӣ мешавад,  барои ба тартиб даровардани ду канори роҳ,  ташкили  партовгоҳхо  ва  вусъати  корҳои  ободонию хуррамгардонии қисматҳои алоҳидаи роҳи  мазкур  дар  қаламрави  шаҳру  ноҳияҳои худ вазифадор шуданд.