Суғд: Натиҷагирии фаъолияти Раёсати ҳифзи муҳити зист

Душанбе, 06.01.2015. (АМИТ «Ховар», Назири Назир).-5 январи соли 2015 дар  Маркази бозомўзии шаҳри Қайроққум ҷаласаи ҷамъбастӣ бо иштироки раиси Кумитаи ҳифзи муҳити зисти назди Ҳукумати Ҷумҳурии Тоҷикистон Хайрулло Ибодзода, кормандони шуъбаву бахшҳои ҳифзи муҳити зисти вилоят баргузор гардид. 
Дар ҷаласа сардори раёсат А. Бобоҷонзода оид ба бурду бохти фаъолият дар соҳаи ҳифзи муҳити зист сухан гуфта, аз ҷумла изҳор дошт, ки дар ин давра барои пешгирии қонуншиканӣ ва таъмини риояи қонуну қоидаҳои қабулгардида нисбат ба ҳамин давраи соли сипаришуда  ба натиҷаҳои хуб  муваффақ гардиданд. Фаъолияти хуби бахшҳои ҳифзи муҳити зисти шаҳру ноҳияҳои Ашт, Панҷакент ва Спитамен дар соли 2014 таъкид шуд. 
Сипас раиси кумита фаъолияти шуъбаву бахшҳои раёсатро мусбат арзёбӣ  намуда, бобати ислоҳи камбудиҳои ҷойдошта ба масъулин дастуру супоришҳо дод.