Суғд: зиёда аз 500 муроҷиат тавассути «Телефони боварӣ»

 Хуҷанд, 10.01.2015.  (АМИТ “Ховар”, Абдуаҳад  Шарифзода).- Шурӯъ аз моҳи маи соли 2012 дар назди раёсати ВКД ҶТ дар Суғд  телефони боварӣ амал мекунад, ки сол аз сол теъдоди муроҷиаткунандагон аз тариқи ин алоқа меафзояд. Тавре ки ба хабарнигори мо дар вилояти Суғд  роҳбари  маркази матбуоти Раёсати мазкур дар Суғд Акбар Шарипов иттилоъ дод, дар соли 2014  тавассути «телефони боварӣ»-и Раёсат 505 арзу дархости шаҳрвандон қабул шудааст. 
Аз ин шумора 226 муроҷиат вобаста ба фаъолияти кормандони мақомоти корҳои дохилӣ,  82 -то оид ба содир намудани ҷиноят аз ҷониби шаҳрвандон; 38-то  оид ба содир намудани ҳуқуқвайронкуниҳои маъмурӣ аз ҷониби шаҳрвандон; 30 арзи миннатдорӣ ба кормандони мақомоти милитсия мебошад.
Инчунин дар давраи ҳисоботӣ шахсан аз ҷониби сардори Paёсат 474 нафар шаҳрванд ва аз ҷониби роҳбарони шуъбаҳои вазорат дар шаҳру ноҳияҳои вилоят 3429 нафар шаҳрванд қабул шудааст.