Таҳияи 187 спектакл дар соли 2014

Душанбе, 26.01.2015. (АМИТ Ховар, Рафоати Абдулҳамид).- Ба иттилои Вазорати фарҳанги Ҷумҳурии Тоҷикистон новобаста аз корҳои таъмиру тармими бино ҳайати эҷодии Театри давлатии ҷавонони ба номи М. Воҳидов асарҳои нав-Иштибоҳ-и А. Қаюм (тарҷумаи А. Абдуҷҷаборов), Баҳори понздаҳум-  А. Зак ва И. Кузнестов, Гирдбод — и Н. Табаров, намоишномаҳои Туҳфа аз муҳоҷират ва Меҳмони нохонда- и К. Голдониро ба тамошобинон пешкаш намуданд. 
Дар саҳнаи театр соли гузашта Фестивал — озмуни ҷумҳуриявии Нигоҳи нав сурат гирифт. Театр бо асари Саргузашти се бузича ба як силсила шаҳру ноҳияҳои вилояти Хатлон ва водии Рашт бо спектакли Сарбозони қаторӣ ба шаҳри Ёвон ва Шабе дур аз ватан ба қисме аз шаҳру ноҳияҳои вилояти Суғд сафари эҷодӣ дошт. Театр бо дастгирии вазорат пурра аз таъмир бароварда шуда, бо таҷҳизоти нав ҷиҳозонида шуд. Дар давоми сол 187 спектакли театрро 37 ҳазору 190 нафар мухлиси санъат тамошо кард