Таъмини сохтмончиён бо ҷои кор
Душанбе, 07.01.2015 (АМИТ «Ховар», Лайло Тоирӣ).-22 нафар шаҳрванди ҷумҳурӣ, ки воридшавии онҳо ба қаламрави Федератсияи Русия манъ шудааст, бо ҷойи кори доимӣ дар ҶСК «НБО Роғун» таъмин гардид. Дар ин бора ба АМИТ «Ховар» сухангӯи Хадамоти муҳоҷират Абдуллои Қодирӣ иттилоъ дод.
Ба гуфтаи мудири бахши Хадамоти муҳоҷират дар шаҳри Роғун Шомурод Саидов ҳамаи ин шаҳрвандон ихтисоси сохтмончиро доранд.
Тибқи пешниҳоди Раёсати сохтмони асосии ҶСК «НБО Роғун» қариб ҳамаи мутахассисони соҳибтаҷриба, аз ҷумла, ронандагон ва кафшергарони барқӣ, ки дорои собиқаи корӣ мебошанд, бо ҷойи кор таъмин гаштанд.
Дар айни замон бахши Хадамоти муҳоҷират дар шаҳри Роғун масъалаи мазкурро зери назорат қатъӣ қарор додааст.
Хадамоти муҳоҷирати Вазорати меҳнат муҳоҷират ва шуғли аҳолӣ ба диққати ҳамаи шаҳрвандони кишвар мерасонад, ки шахсони дорои ихтисоси сохтмончӣ имкон доранд барои дарёфти ҷои кор ба бахши Хадамоти муҳоҷират дар шаҳри Роғун муроҷиат намоянд.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
