Тавваҷуҳи хосса ба мактабу маориф

Ҳисор, 17.01.2015. (АМИТ “Ховар”, Ҳотами Шариф).- Ҳисор ҷашни 3000- солагиашро бо симои нави замонавӣ истиқбол хоҳад гирифт. Аз ҷумла, бахшида ба ин санаи муҳим биноҳои хуштарҳи боҳашамати гимназияву литсейҳо сохта мешаванд ва хонандагон имкон пайдо мекунанд, ки дар ин таълимгоҳҳо донишашонро боз ҳам хубтар такмил диҳанд.
Алҳол сохтмони биноҳои нав дар муассисаҳои таҳсилоти миёнаи умумии рақамҳои 16, 20, 23 ва бинои нави шуъбаи маориф идома дорад. Биноҳои мактабҳои деҳаҳои Ғайратобод, Кафшдӯзон, Шӯроб, Ғуриёт ва шаҳраки Ҳисор мавриди баҳрабардорӣ қарор гирифтанд.