Темур Раҳимов — беҳтарин дзюдочии ҷаҳон миёни наврасон
Душанбе, 07.01.2015. (АМИТ “Ховар”, Ситораи Боӣмурод).- Темур Раҳимов, варзишгари навраси тоҷик, дар рейтинг ё феҳристи дзюдочиёни зӯртарини дунё байни кадетҳо (то 18-сола) дар вазни беш аз 90 кг дар мақоми аввал қарор дорад.
Тавре ки дар ин бора Кумитаи миллии олимпии кишвар хабар додааст, дар рӯйхати гӯштингироне, ки дар вазни беш аз 90 кг рақобат мекунанд, ҳамагӣ 67 нафар дохил шуда, дар байни онҳо боз ду варзишгари навраси тоҷик — Ардашер Мирзоев (64 имтиёз, ҷойи 26-ум) ва Хуршед Маҷидов (40 имтиёз, ҷойи 41-ум) ҳастанд.
Гуфта мешавад, ки варзишгарони тоҷик моҳи декабри соли гузашта дар мусобиқаи қаҳрамонии дзюдои Осиё байни наврасон дар Гонконг чаҳор медал — се нуқра ва як биринҷӣ ба даст оварданд. Дар сабқати кадетҳо Темур Раҳимов дар рақобатҳо дар вазни беш аз 90 кг бо медали нуқра ва Ҳоҷимашраб Раҳмонов дар вазни то 90 кг бо медали биринҷӣ сарфароз гардиданд. Дар сабқати наврасон Аминҷон Ҷалолов дар вазни то 90 кг ва Санавбар Шанбиев дар вазни беш аз 90 кг бо медалҳои нуқра мукофотонида шуданд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
