Қурби асъори хориҷӣ нисбатан паст шуд

Душанбе, 2.02.2015 (АМИТ «Ховар», Лайло Тоирӣ).- Ҳафтаи гузашта қурби доллари ИМА дар нуқтаҳои мубодилаи асъори ҷумҳурӣ нисбатан паст шуда, ба ҳисоби миёна аз 5,6950-5,7100 то ба 5,6780-5,6980 сомонӣ коҳиш ёфт. 
    Бино ба иттилои хадамоти матбуоти Бонки миллии Тоҷикистон, ҳамзамон қурбҳои миёнаи амалиёт бо рубли русӣ ва евро низ каме паст шуда, мувофиқан 0,0845-0,0860 сомонӣ ба як рубли русӣ ва мувофиқан 6,3560-6,3790 сомонӣ ба як евро баробар шуд.          
29 январ қурби миёнаи доллари ИМА дар нуқтаҳои мубодилаи асъори шаҳрҳои  Душанбе 5,6860-5,7060 сомонӣ, шаҳрҳои  Хуҷанд 5,7000-5,7200 сомонӣ ва шаҳри  Қурғонтеппа 5,6800-5,7000 сомониро ташкил намуд.