Ҳамкориҳои Филиали ДДМ бо донишгоҳҳои хориҷӣ

Душанбе, 04.02.2015. (АМИТ “Ховар”, Рафоати Абдулҳамид).- Ба иттилои Филиали Донишгоҳи давлатии Маскав (ДДМ) ба номи М.В. Ломоносов ҳоло дар Филиал 9 нафар донишҷӯи хориҷӣ таҳсил менамояд, ки 1 нафари он аз Русия, 4 нафар аз Чин, 1 нафар аз Қазоқистон ва 1 нафари дигар аз Кореяи Ҷанубӣ мебошад. Мутобиқи шартномаи дуҷонибаи табодули донишҷӯён дар Филиал як нафар донишҷӯи Донишгоҳи давлатии техникии нефти Уфа таҳсил дорад.
Шуъбаи муносибатҳои байналмилалии Филиал ҳамкориҳои фаъоли дуҷонибаро бо Хадамоти олмонии табодули академӣ (DAAD), Комиссияи аврупоӣ (Эрасмус +), Шӯрои байналмилалӣ оид ба тадқиқоти илмӣ ва табодулҳо (Айрекс), Институти “Ҷомеаи кушода-Фонди мадад дар Тоҷикистон», Маркази фарҳангии «Бактрия» барқарор намудааст.