Ҳамкории байнитамаддунӣ дар фазои Авруосиё

Душанбе, 16.02.2015. (АМИТ «Ховар»,  Кристина  Эрлих).-  Чанде  пеш   бо  ибтикори  факултаи   таърих  ва  муносибатҳои   байналмилалии Донишгоҳи  славянии  Русия  ва  Тоҷикистон  конфронси  байналмилалӣ  дар  мавзӯи  «Ҳамкории  байнитамаддунӣ дар  фазои  Авруосиё:  таърих, тамоюлҳои  муосир ва  дурнамо»  баргузор гардид.
 Дар  кори  конфронс  ректори Донишгоҳи  славянии Русия  ва  Тоҷикистон  Нуралӣ Солеҳов,  муовини  вазири фарҳанги Тоҷикистон  Бунафша Одинаева,  сафири Қазоқистон  дар  Тоҷикистон  Оғибой  Смагулов,  сафири  Қирғизистон  дар  Тоҷикистон  Мирослав  Ниёзов, вакили  муваққатии умури Ҷумҳурии  Беларус  дар  Точикистон  Олег  Восняк, котиби  якуми сафорати  Русия дар  Тоҷикистон  Виктор  Харченко  ширкат  доштанд. 
Дар  конфронс  қариб  қариб  50  гузориш  шунида шуд, ки  як  қисми  онҳо бо  иштироки  фаъолонаи донишҷӯёни донишгоҳи мазкур  таҳия шудаанд.
Дар  ҷараёни  конфронс  масъалаҳои   таҷрибаи  таърихии  ҳамкории байнитамаддунӣ ва   муносибатҳои имрӯзаи байналмилалӣ, усулҳои  муколамаи байнитамаддунӣ  дар  низоми  муносибатҳои  ҷаҳонӣ,  ҷанбаҳои  фарҳанги тамаддунҳо  дар  рушди  ҳамгироии  Авруосиё, хусуиятҳои  ҳамкорӣ  дар   сатҳи  минтақаҳо,  ҳамчунин   дурнамои  густариши  сиёсати оид ба  ҷавонони  давлатҳои Осиёи  Марказӣ  дар  ҳошияи  ҳамкории байнитамаддунӣ  дар фазои  Авруосиё  мавриди  муҳокима  қарор  гирифтанд.