Ҳарифони «Истиқлол» муайян гардиданд
Душанбе, 04.02.2015. (АМИТ “Ховар”, Ситораи Боймурод).- Ҳарифони чемпиони секаратаи Тоҷикистон «Истиқлол»-и Душанбе, ки дар айни замон ҷамъомади омӯзишӣ-машқии худро дар Туркия мегузаронад, барои ду бозии аввали санҷишӣ муайян шуданд.
Бино ба иттилои торнамои расмии Федератсияи футболи Тоҷикистон клуби футболи пойтахт барои гузаронидани ду бозии санҷишӣ бо клубҳои футболи «Элверсберг»-и Олмон ва «Шахтёр»-и Донетск ба мувофиқа расидааст.
«Ҳарифи дастаи мо дар бозии якуми санҷишӣ клуби футболи «Элверсберг»-и Олмон мешавад, ки дар Бундеслигаи сеюми ин кишвар баромад мекунад. Баргузории бозӣ рӯзи 7-уми феврал ба нақша гирифта шудааст. Оғози бозӣ соати 18.00 бо вақти Душанбе.
«Элверсберг» шаҳри Шпизен-Элверсберги Олмонро муаррифӣ мекунад. Клуб соли 1907-ум таъсис ёфта, дар лигаи дуюми минтақавии «Ҷануб-Ғарб»-и Бундеслигаи сеюми Олмон баромад мекунад. Дар айни замон «Элверсберг» баъди 20 бозӣ дар ҷадвали мусобиқа зинаи сеюмро ишғол мекунад. Бозии дуюми санҷишии худро чемпиони феълии Тоҷикистон бо «Шахтёр»-и Донетск мегузаронад. Вақти баргузории вохӯрӣ аниқ мешавад», — гуфт роҳбари дафтари матбуоти «Истиқлол» Рустам Ҳакимов ба торномаи ФФТ.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
