200 иншооти ҷашнӣ дар Кӯлоб

Февраль 7, 2015 10:41

Душанбе, 07.02.2015. (АМИТ «Ховар», Мавҷуда Анварӣ).-  Чанде пеш гурӯҳе аз олимон рамзи ҷашнвораи 700- солагии Мир Сайид Алии Ҳамадониро таҳия намуданд, ки он аз ҷониби мақомоти дахлдор тасдиқ гардид. Ҳамакнун тамоми чорабиниҳои марбут ба ҷашнвораи ин абармард таҳти рамзи тасдиқшуда баргузор мешавад ва дар таълифи китобу армуғонҳои ҷашнӣ низ истифода мегардад.
Директори Институти фалсафа, сиёсатшиносӣ ва ҳуқуқи ба номи А. Баҳоваддинови Академияи илмҳои кишвар, доктори илмҳои фалсафа Абдулвоҳид Шамолов  дар суҳбат бо мо иброз дошт, ки ҳадаф аз рӯй овардан ба осору таълифот ва зиндагиномаи фарзандони шаҳири миллат, ба мисли Мир Сайид Алии Ҳамадонӣ он аст, ки мо асли ҷавҳари худро шиносем. Осору таълифоти ин орифи бузург,  ки ба забонҳои тоҷикӣ ва арабӣ навишта шудаанд, бештар масоили гуногуни таърихию афкори фалсафӣ ва тасаввуфии ниёгонро фаро мегирад. Ба ин хотир, омӯзиши андешаҳои Мир Сайид Алии Ҳамадонӣ барои ҷомеаи мо аз фоида холӣ нест ва ҷашни 700-солагии ин марди фарзона барои мардуми шарифи Тоҷикистон падидаи фарҳангӣ ва боиси ифтихор аст.  
Алҳол омодагиҳо ба пешвози ин ҷашнвора, ки ҳамрадиф ба он 70 — солагии Донишгоҳи давлатии Кӯлоб ба номи Абӯабдуллоҳи Рӯдакӣ ва Соли пойтахти фарҳангии Иттиҳоди Давлатҳои Мустақил эълон шудани шаҳри Кӯлоб таҷлил мегардад, бомаром идома доранд. 
Дар робита ба ҷашнҳои мазкур  бунёд ва навсозии бештар аз 200 иншоот, баргузории даҳҳо чорабиниҳои фарҳангӣ ва конфронсу ҳамоишҳои гуногун дар назар аст.

Февраль 7, 2015 10:41

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид