Боздиди гурӯҳи кории ФФТ аз шаҳру навоҳӣ

Душанбе, 19.02.2015. (АМИТ “Ховар”, Рафоати Абдулҳамид).- Аз 17 то 19 феврал гурӯҳи кории Федератсияи футболи Тоҷикистон дар ҳайати Алишер Урунов, Сафар Каримов, Раҳмон Муртазоев ва котиби масъули Федератсияи футболи вилоят Аҳлидин Юнусов барои шинос шудан бо вазъи дастаҳои қаламрави вилоят аз чанд шаҳру ноҳия дидан кард.
Тавре ки Хадамоти матбуоти раиси вилояти Суғд  хабар додааст, гурӯҳ ба шаҳру навоҳии Спитамен, Мастчоҳ, Бобоҷон Ғафуров, Хуҷанд, Конибодом, Исфара ва Истаравшан рафта, оид ба вазъи дастаҳои футболи ин минтақаҳо бо масъулин мулоқот намуд.
Гурӯҳи корӣ ҳамчунин аз варзишгоҳҳое, ки дар он  бозиҳои имсолаи мавсими футбол барпо мешаванд, боздид намуд.