Боздошти ду қочоқчии афғон дар Бадахшон
Душанбе, 20.02.2015. (АМИТ «Ховар», Муқаддас Темурзода).-Дар ҷараёни гузаронидани чорабиниҳои фаврӣ-ҷустуҷӯӣ аз тарафи кормандони зершуъбаи ноҳияи Ишкошими Раёсати Агентии назорати маводи нашъаовари назди Президенти ҶТ дар вилояти Бадахшон дар деҳаи Зумудги ноҳияи Ишкошим ҳамчун гумонбар дар қочоқи маводи нашъаовар ду нафар сокини 26-солаи деҳаҳои Пегиш ва Ҳандуди вулусволии Вахони вилояти Бадахшони Ҷумҳурии Исломии Афғонистон дастгир гардид.
Тибқи иттилои АНМН ҶТ, аз дастгиршудагон як сумка дарёфт шуд, ки дар дохили он 10 баста бо маводи ҷигариранги бӯи махсус дошта мавҷуд буд.
Тибқи хулосаи ташхиси судӣ, маводи мусодира шуда афюн буда, вазни он 5 килограммро ташкил менамояд.
Нисбат ба ин ҳодиса аз рӯи якчанд моддаи Кодекси ҷиноятии ҶТ м. 200 қ. 3 — “Муомилоти ғайриқонунии воситаҳои нашъадор ё моддаҳои психотропӣ бо мақсади ба соҳибияти каси дигар додан ба миқдори калон”, м. 289. “Қочоқ” ва м. 335. “Ғайриқонунӣ гузаштан аз сарҳади давлатии Ҷумҳурии Тоҷикистон” парвандаи ҷиноӣ оғоз гардид.
Боздоштшудагон ҳоло дар тавқифгоҳи нигоҳдории муваққатии агентӣ буда, чорабиниҳои фаврӣ барои муайян намудани шаҳрвандони Тоҷикистон, ки ба ҷинояти мазкур алоқамандӣ доранд, идома дорад.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
