Чорабинӣ ба поси хотири ҷанговарони интернасионалист

Хуҷанд, 14.02.2015. (АМИТ “Ховар”,  Абдуаҳад Шарифзода).-Бахшида ба 26-умин солгарди аз марзи Афғонистон баровардани қӯшунҳои собиқ Иттиҳоди Шӯравӣ дар ноҳияи Бобоҷон Ғафуров чорабинии хотирмон баргузор гардид. Тавре ки ба АМИТ “Ховар” аз  шуъбаи ташкилии мақомоти ноҳияи Б.Ғафуров иттилоъ доданд, баҳри пос доштани хотираи ҷанговарон — интернатсионалистон дар ноҳия бо иштироки намояндагон аз макомоти маҳаллӣ, фаъолони ҷамоати шаҳраки Ғафуров ва наздик ба 30 нафар собиқадори ҷанги Афғонистон ва пайвандони афсароне, ки дар ин ҷанг қурбон гаштаанд, чорабинии ёди хотираҳо  доир гашт. 
Иштирокдорони чорабинӣ дар назди лавҳаи ёдгорӣ ба хотираи шаҳидони ҷанги Афғонистон, воқеъ дар дар маркази шаҳраки ҷамоат  лаҳза хотираи ин шаҳидонро пос дошта, гулчамбар гузоштанд. Сипас дар мачлисгоҳи макомоти ноҳиявӣ бо иштироки раиси ноҳия А. Маннонзода чорабинии тантанавӣ баргузор шуда, ба иштирокдорон сипоснома ва туҳфаҳои мақомоти ноҳия дода шуданд.