Дар Фархор се нафар номзадиашонро бозпас гирифт
Душанбе, 23.02.2015.(АМИТ «Ховар», Марзия Саидзода).- Се нафар дар ҳавзаи интихоботии якмандатаи Фархор №34 номзадиашонро ҷиҳати иштирок дар интихоботи парлумонӣ бозпас гирифт. Инҳо Нуриддин Азаматов, намояндаи Ҳизби аграрии Тоҷикистон, Сафаралӣ Шарифов намояндаи Ҳизби халқии демократии Тоҷикистон ва Мавлонбӣ Тӯраева, худпешбар мебошанд.
Насрулло Валиев -раиси Комиссияи ҳавзавии интихоботии якмандатаи Фархор №34 дар сӯҳбати телефонӣ ба хабарнигори АМИТ «Ховар» гуфт, ки дар интихоботи қарибулвуқӯи парлумонӣ дар ҳавзаи мазкур се номзад -Саидҷаъфар Исмонов, намояндаи Ҳизби демократии Тоҷикистон, Зайниддин Юсуфов, намоянда аз Ҳизби наҳзати исломии Тоҷикистон ва Юсуфхон Сайфиддинов, ки худпешбар аст, бо ҳам рақобат менамоянд.
Насрулло Валиев афзуд, ки дар ҳавзаи интихоботии якмандатаи Фархор №34 шаступанҷ участкаи интихоботӣ созмон дода шудааст, ки аз он 45 ададаш дар ҳудуди ноҳияи Фархор ва 20 -тои дигараш дар чор ҷамоати ноҳияи Панҷ фаъолият дорад. Инчунин аз ин теъдод ду қитъаи овоздиҳӣ дар ҳудуди қисмҳои низомӣ ташкил шудааст.
Дар ҳавзаи интихоботии якмандатаи Фархор №34 ёздаҳ ҳазору 732 нафар интихобкунанда ба қайд гирифта шудааст, ки 1908 нафари онҳо бори аввал дар интихобот иштирок намуда, ба номзади арзанда раъй медиҳанд. Инчунин Н. Валиев афзуд, ки 9 ҳазору 590 нафар интихобкунанда дар муҳоҷирати меҳнатӣ қарор дорад.
Бобати дар сатҳи баланди ташкилӣ гузаронидани ин чорабинии муҳими сиёсӣ -интихоботи парлумонӣ, дар тамоми қитъаҳои овоздиҳӣ шароити мусоиди райъдиҳӣ фароҳам оварда шудааст, таъкид кард Н. Валиев.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






