Дар мактабҳо дарс сар шуд
Душанбе, 02.02.2015. (АМИТ «Ховар», Кристина Эрлих).- Имрӯз, 2 феврал, мактабхонони Тоҷикистон баъди таътили тӯлонии зимистона ба машғулият шуруъ карданд.
Бо фармони вазири маориф ва илми кишвар Нуриддин Саидов таътили зимистонаи мактабиёни Тоҷикистон як моҳ — аз 1 январ то 1 феврали соли 2015 идома ёфт.
Ёдовар мешавем, ки се сол муқаддам Вазорати маориф ва илми кишвар таътилҳои тирамоҳию баҳории мактабхононро манъ карда буд. Пештар талабаҳои мактабҳои миёна аз 1 то 12 январ истироҳат мекарданд, ҳоло таътили онҳо як моҳ давом мекунад.
Тавре ки аз Вазорати маориф ва илми ҶТ ба АМИТ «Ховар» хабар доданд, соли гузашта хонандагон дар давраи таътили зимистона дар дарсҳои иловагӣ иштирок мекарданд, имсол аз ин амалия даст кашида шуд. Хонандагон мебоист дар хонаҳояшон китобҳои бадеиро, ки Вазорати маориф ва илм барои донишкадаҳо тартиб додааст, мутолиа мекарданд.
Муаллимон дар давраи таътили зимистона дар курсҳои такмили ихтисос машғулият доштанд.
Дар давраи таътили зимистона барои истироҳати талабаҳо чорабиниҳои зиёде аз қабили намоиши барномаҳои солинавӣ, намоишномаҳои театрҳо ва сирки давлатӣ рӯи кор оварда шуданд.