Дастовардҳои Китобхонаи давлатии патентию техникӣ

Февраль 11, 2015 14:07

Душанбе, 11.02.2015 (АМИТ “Ховар”, Фарзонаи Давлат).-Моҳи майи соли 2015 Китобхонаи давлатии патентию техникии Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон 50-солагии китобхонаро таҷлил менамояд. Китобхона иқдом гирифтааст, ки рӯзҳои 5-6 майи соли равон конфронси байналмилалии соҳаи китобдорӣ  дар мавзўи «Китобхонаи давлатии патентию техникӣ -50 соли фаъолият, рушд ва дастовардҳо» бо даъвати меҳмонон аз дохил ва хориҷи кишвар баргузор намояд.
     Вобаста ба ин санаи таърихӣ китобхона тасмим гирифтааст, ки як шумораи маҷаллаҳои «Китобдор» ва маҷаллаи муассиса «Моликияти саноатӣ ва бозор»-ро ба сарпарастӣ гирифта, дар он мавод доир ба фаъолият ва таҷлили 50-солагии китобхонаро ба чоп расонад. 
Гуфта мешавад, ки дар давоми 2 соли охир аз ҷониби китобхона ду конфронси ҷумҳуриявии соҳаи китобдорӣ  дар мавзўи «Сарватҳои иттилоотии китобхонаҳои Ҷумҳурии Тоҷикистон ва нақши онҳо дар рушди иқтисодиёт, инноватсия ва маърифати ҷомеа» ва «Низоми фаъолияти китобхонаҳои электронӣ ва ташкили маъхазҳои иттилоотии интернетӣ дар Китобхонаҳои Ҷумҳурии Тоҷикистон», аввалин озмуни  ҷумҳуриявии «Китобдор, китобхона ва китобхонаи шахсии сол», ки бахшида ба «Рӯзи китоб» 4-уми сентябри соли гузашта баргузор шуд, дар рушду нумўи соҳаи фарҳанги кишвар саҳми арзанда гузошт.
 Ёдрас мешавем, ки рисолати асосии Китобхонаи давлатии патентию техникӣ, пеш аз ҳама ҳамчун муассисаи фарҳангӣ ва иттилоотӣ дар ҷамъоварӣ, коркарди илмӣ, гурўҳбандӣ, нигоҳдорӣ, омўзишу тарғиб ва истифодаи самараноки хазинаи муташаккили  иттилоотӣ зоҳир гардида, ҳоло хазинаи  Китобхонаи давлатии патентию техникӣ 15,2 миллион нусхаро ташкил намуда, ғайр аз ин ба хазинаи 52 миллионаи низоми  патентию иттилоотии Авруосиё (ЕАПАТИС», Китобхонаи илмии виртуалии Тоҷикистон   ва маъхазҳои гаронҳаҷм дастрасӣ дорад.
 
 

Февраль 11, 2015 14:07

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид