Дидори «Истиқлол» бо «Хайр» барои Ҷоми олии Тоҷикистон
Душанбе, 10.02.2015. (АМИТ “Ховар”, Ситораи Боймурод).- Бо тасмими ҷаласаи кумитаи иҷроияи Федератсияи футболи Тоҷикистон, ки рӯзи 7-уми феврали соли равон дар шаҳри Душанбе барпо гардид, бозӣ барои Ҷоми олии Тоҷикистон байни дастаҳои «Истиқлол”-и Душанбе, қаҳрамони феълии Тоҷикистон ва «Хайр”-и Ваҳдат, ҷоизадори нуқраи бозиҳои қаҳрамонии кишвар 5-уми апрел дар Варзишгоҳи марказии Душанбе баргузор мешавад.
Тавре ки дар ин бора Кумитаи миллии олимпии кишвар хабар додааст, дар ин ҷаласа, инчунин оғози мусобиқаи қаҳрамонии Тоҷикистон байни дастаҳои лигаи олӣ дар нимаи дувуми моҳи апрел таъйин гардид. Бо тасмими кумитаи иҷроия санаи аниқи оғози мусобиқа баъди анҷоми бозиҳои интихобии Ҷоми КФО (Конфедератсияи футболи Осиё)-2015 бо ширкати дастаи «Хайр” эълон хоҳад шуд.
Ёдовар мешавем, ки «Истиқлол» соли гузашта дар бозӣ барои Ҷоми олии Тоҷикистон, ки 25-уми март дар Варзишгоҳи марказии Душанбе доир шуд, бар дастаи «Равшан»-и Кӯлоб ғолиб омад ва бори чаҳорум соҳиби ин мукофоти олӣ гардид.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






