Гузориши нахуствазири Ҷопон
Душанбе,02.02.2015. (АМИТ «Ховар», Иброҳими Ҳабибуллоҳ).- Мувофиқи гузориши расмии нахуствазири Ҷопон Синдзо Абэ Ҷопон ба терроризм гузашт намекунад ва ёриҳояшро ба эътилофи зидди «Давлати исломӣ» густариш медиҳад. Гуфта мешавад, ки дабири ҳайати вазирони Ҷопон Йошиҳиде Суга “Давлати исломӣ”-ро барои нашри навори видеоӣ маҳкум кард ва гуфт, ки аъзои калидии ҳукумати Ҷопон барои баррасии ин мавзӯъ ташкили ҷаласаи вижа мекунанд.
Душанбе,02.02.2015. (АМИТ «Ховар»).-Мувофиқи иттилои шабакаи интернетии Би-Би-Си ҷангиёни гурӯҳи «Давлати исломӣ» расман иқрор шуданд, ки назоратро дар шаҳри Қубони, воқеъ дар сарҳадоти байни Сурия ва Туркия аз даст додаанд. Гуфтан ба маврид аст, ки муҳориба ва бархурдҳои мусаллаҳона дар шаҳри Қубони аз 5 уми октябри соли 2014 то имрӯз идома дорад. Вобаста ба нооромиҳо садҳо нафар курдтаборон иҷборан дар қисми ғарбии Туркия панаҳ бурданд.
Душанбе,02.02.2015. (АМИТ «Ховар»).-Ҳафтаи равон дар яке аз ибодатгоҳои шаҳри Карочии Ҷумҳурии Исломии Покистон таркиши мудҳиш ба амал омад. Дар вақти ҳодиса 60 нафар ба ҳалокат расида, чанд каси дигар захмӣ шудааст. Ба гуфти роҳбари кормандони полиси маҳаллӣ инфиҷор бар асари фаъол гардонидани таҷҳизоти таркандаи фосилавӣ ба амал оварда шудааст. Гуфта мешавад, ки масъулияти ин амалро гурӯҳи «Ҷундуллоҳ»,ки яке аз шохаҳои ҷудошудаи «Таҳрики-Толибон»-и Покистон мебошад, ба уҳда гирифтааст.
Душанбе,02.02.2015. (АМИТ «Ховар»).-Дирӯз дар яке аз минтақаҳои кӯҳии шаҳри Кобули Ҷумҳурии Исломии Афғонистон
миёни гурӯҳи ҷангиёни ҳаракати «Толибон» ва низомиёни Иёлоти Муттаҳидаи Амрико тирпарронии мутақобила ба амал омад. Дар ҷои ҳодиса 3 тан сарбози амрикоӣ ба ҳалокат расид. Ва дар бораи фавти толибон то ҳол маълумоти дақиқ нарасидааст. Хотиррасон менамоем, ки аз оғози соли ҷорӣ то инҷониб ҳалокати 3 393 нафар низомии хориҷӣ дар Афғонистон ба қайд гирифта шудааст, ки аксарияти онҳоро сарбозони неруҳои амрикоӣ ташкил медиҳанд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






