Интишори нашрия дар бораи вазъи иҷтимоию иқтисодии ҷумҳурӣ

Душанбе, 17.02.2015. (АМИТ «Ховар», Кристина  Эрлих).- Нашрияи  ҳармоҳаи  Агентии  омори назди  Президенти  Ҷумҳурии  Тоҷикистон аз  чоп  баромад, ки маълумоти  муфассалро  дар  бораи  вазъи  иҷтимоию  иқтисодии  кишвар,  ниҳодҳои  Ҷумҳурии  Тоҷикистон  ва  соҳаю   бахшҳои иқтисодиёт  тайи  моҳи охир  ва  оғози  солро  дар  бар  мегирад.
Назар  ба  иттилои агентии  мазкур, дар  гузориш перомуни   нишондодҳои  асосии  иҷтимоию  иқтисодӣ  вазъи натиҷаҳои фаъолият  тайи моҳҳои  соли  ҷорӣ  ва  соли гузашта  зикр  дода  мешавад. Нашрия   дар  асоси  маълумоти  мақомоти  омори  давлатии  вазорату  идораҳои  Ҷумҳурии  Тоҷикистон таҳия  мегардад. 
Дар  гузориш  ҳамчунин  аз рӯи   соҳаҳои  муҳимтарини  истеҳсолот,  нақлиёт  ва  алоқа, равобити иқтисодии  хориҷӣ,  бозори  истеъмолӣ, нархҳо,  молия, бозори  меҳнат ва  сатҳи  зиндагии  аҳолӣ муфассал  хабар  дода  мешавад.