Иштироки корхонаҳои ресандагӣ дар намоиши Истанбул
Душанбе, 05.02.2015 (АМИТ “Ховар”, Фарзонаи Давлат).-Панҷ корхонаи ресандагӣ — “Ваҳдат”, “Нассоҷи Хуҷанд”, “Олим Текстайлз”, “Ортекс” ва “Тента-Кӯлоб” аз 5-ум то 8-уми феврали соли ҷорӣ дар дувоздаҳумин Намоишгоҳи байналмилалии нассоҷии Истанбул аз Тоҷикистон намояндагӣ мекунанд.
Бино ба иттилои Маркази тиҷорати байналмилалӣ (БМТ), намоишгоҳи нассоҷии Истанбул бо садҳо ширкаткунанда ва ҳазорҳо боздидкунанда аз бузургтарин намоишгоҳҳои соҳавӣ дар минтақа маҳсуб мешавад ва корхонаҳои Тоҷикистон чаҳорумин бор пай дар пай дар он иштирок мекунанд.
Гуфта мешавад, ки ширкатҳои тоҷик солҳои гузашта бо иштирок дар ин намоишгоҳ ба муваффақиятҳои назаррас ноил гардиданд. Ин намоишгоҳ мизбони беш аз 40 000 боздидкунанда наздик аз 70 кишвари ҷаҳон хоҳад буд. Дар он ҳудуди 200 ширкат аз кишварҳои гуногун маҳсулоти худ, ба мисли нахи пахта, таҷҳизоти нассоҷӣ ва дӯзандагӣ, матоъ, маҳсулоти нассоҷӣ, либосворӣ, ришта ва ғайраро ба тамошо хоҳанд гузошт.
Ёдрас мешавем, ки ҷиҳати рушди тавонои корхонаҳои нассоҷиву дӯзандагии Тоҷикистон дар самти беҳтар кардани маҳсулот ва бозорёбӣ МТБ ба ширкатҳо дар омодагии иштирок ба намоишгоҳҳои байналмилалӣ мусоидат менамояд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






