Истиқбол аз рўзи Артиши миллӣ дар Кӯлоб

Кўлоб, 24.02.2015. (АМИТ «Ховар», Фарҳоди Мадамин).-Ба ифтихори 22-юмин солгарди Артиши миллӣ дар шаҳри Кўлоб ҷамъомади идона доир шуд.  Иҷрокунандаи вазифаи раиси шаҳри Кўлоб Хайруллои Амонулло ҷамъомадагонро ба муносибати ин санаи фархунда табрик гуфта, артиши миллиро сипари боэътимоди марзу буми Ватан хонд ва нақши артишро дар таҳкими сулҳу субот муҳим арзёбӣ намуд. Дар ҷамъомад собиқадорони ҷангу меҳнат, шоиру нависандагон сухан гуфтанд. 
Бахшида ба ин ҷашн аз ҷониби Мақомоти иҷроияи ҳокимияти давлатии шаҳри Кўлоб ба як гурӯҳ афсарону сарбозони қисмхои низомӣ, ходимони комиссариатҳои ҳарбӣ, собиқадорони ҷангу меҳнат, ҷанговарони башардўст, иштирокчиёни бартарафсозии фоҷеаи Чернобил ифтихорнома ва мукофотҳои пулӣ тақдим шуданд.