Кӯлоб: Шиносоии ҳайати корӣ бо корҳои сохтмонӣ

  Кӯлоб, 06.02.2015. (АМИТ «Ховар», Сулаймони Хол).-Бо мақсади шиносоӣ бо ҷараёни корҳои сохтмонӣ ва бунёду барқарорсозии иншооти ҷашнӣ ба истиқболи 700-солагии мутафаккири Машриқзамин Мирсаид Алии Хамадонӣ, 70- солагии Донишгоҳи давлатии Кӯлоб ба номи А. Рӯдакӣ ва пойтахти  фарҳангии ИДМ эълон шудани шаҳри Кӯлоб гурӯҳи кории Ҳукумати ҶТ бо роҳбарии  раиси Кумитаи меъморӣ ва сохтмонӣ Абдувалӣ Комилзода ва директори Институти лоиҳакашии сохтмони асосии назди Ҳукумати ҶТ  Абдуҷалол Ахмедов аз иншооти бунёдшаванда дидан карданд. 
Ҳайати гурӯҳи корӣ ҳамчунин  бо раванди  корҳои ободонию созандагии Боғи фарҳанг ва истироҳати шаҳр, сохтмони ҳавзи шиноварӣ дар маҳаллаи Ш.Шоҳин ва бинои истиқоматӣ дар хиёбони Исмоилии Сомонӣ шинос шуда, ба масъулин дастур доданд, то дар сохтмон ба саҳлангорию бепарвоӣ роҳ надода, истифодаи масолеҳи хушсифати сохтмониро ба роҳ монанд.