М.Ҳабибуллоев сармураббии «Равшан» таъйин шуд
Душанбе, 16.02.2015. (АМИТ «Ховар»).- Маҳмадҷон Ҳабибуллоеви 49 — сола, ки дар мавсими соли гузашта дастаи «Далерон» — и Истаравшан бо роҳбарии ӯ медалҳои биринҷӣ ба даст оварда буд, сармураббии қаҳрамони дукаратаи кишвар дастаи «Равшан» — и шаҳри Кӯлоб таъйин шуд.
Тавре ки аз Федератсияи футболи Тоҷикистон хабар доданд, дастаи футболи «Регар — ТадАЗ» — и шаҳри Турсунзода бо роҳбарии Маҳмадҷон Ҳабибуллоев шаш маротиба қаҳрамони Тоҷикистон гардида, се маротиба Ҷоми президенти Конфедератсияи футболи Осиёро ба даст овардааст. Маъруф Рустамов ва Ғайраталӣ Мираҳмедов дар клуби футболи «Равшан» ёвари Ҳабибуллоев мешаванд.
Ёдовар мешавем, ки ду рӯз пештар дар шаҳри Душанбе мулоқоти роҳбарияти Федератсияи футболи Тоҷикистон бо соҳибкорони шаҳри Кӯлоб баргузор гардида, дар ҷараёни он масъалаи дар мавсими нав бо маблағ таъмин намудани дастаи «Равшан» мавриди муҳокима қарор гирифт.
Иштирокдорони мулоқот номзадии узви Кумитаи иҷроияи Федератсияи футболи Тоҷикистон, собиқ директори ширкати ҳавопаймоии «Тоҷик эйр» Музаффар Исоқовро ба вазифаи президенти нави клуби «Равшан» — и шаҳри Кӯлоб дастгирӣ намуданд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
