М. Убайдуллоев муроҷиати вазоратро ҷонибдорӣ кард

 
               Душанбе, 17.02.2015.(АМИТ “Ховар”, Марзия Саидзода).- Шаҳрдории Душанбе муроҷиати Вазорати кишоварзии ҷумҳуриро  дар мавриди ташкили ярмаркаи фурӯши  ниҳол, кӯчати гул ва тухми зироатҳо дар пойтахт ҷонибдорӣ карда, қарори марбута ба тасвиб расонд. Дар иртибот ба ин рӯзҳои 21-22 феврали соли равон аз соати 8:00 то 17:00 дар ҳудуди таваққуфгоҳи назди Маҷмааи савдои “Пойтахт-90” ярмаркаи фурӯши ниҳол, кӯчати гул ва тухми зироатҳо созмон дода мешавад. 
           Дар асоси қарори мазкур раиси шаҳр ба масъулини ноҳияи Исмоили Сомонии пойтахт,  Раёсати ҳифзи муҳити зисти шаҳри Душанбе ва дигар ниҳодҳои марбутаи пойтахт  супориш додааст, ки бобати дар баланд гузаронидани чорабинии мазкур тадбирҳои муассир андешанд.