Мулоқоти директори АНМН бо ҳайати Иттиҳоди Аврупо
Душанбе, 04.02.2015. (АМИТ «Ховар», Муқаддас Темурзода).- 3 феврал дар шаҳри Душанбе мулоқоти директори Агентии назорати маводи нашъаовари назди Президенти ҶТ Рустам Назарзода бо роҳбари ҷузъу томи хадамоти равобити хориҷии Аврупо Тойво Клаар баргузор гардид. Дар мулоқот муовини роҳбари хадамоти Иттиҳоди Аврупо дар Тоҷикистон Иштва Нитрай низ ширкат дошт.
Назар ба иттилои Агентии назорати маводи нашъаовари ҶТ, дар ҷараёни мулоқот дурномаи Агентӣ бо Иттиҳоди Аврупо дар масоили назорати маводи мухаддир муҳокима шуд. Директори Агентӣ зикр намуд, ки дар ҳошияи Барномаи «Идораи сарҳад дар Осиёи Марказӣ», ки бо пуштибонии он сохтмони Маркази таълимии сагомӯзии АНМН анҷом ёфт, ҳамкории зичи Агентии мазкур роҳандозӣ шудааст.
Рустам Назарзода ҳамчунин иброз дошт, ки Агентӣ бо мақомоти ҳифзи ҳуқуқи кишварҳои Аврупо, ИМА, Чин, Русия, Афғонистон, Қирғизистон ва Қазоқистон ба таври самарабахш ҳамкорӣ менамояд.
Меҳмонон зикр намуданд, ки дар ҳошияи Стратегияи Иттиҳоди Аврупо оид ба Осиёи Марказӣ ҳамкорӣ бо кишварҳои минтақа дар бахши мубориза бо гардиши ғайриқонунии маводи мухаддир вусъат бахшида мешавад, зеро ҳалли ин мушкилот дар сатҳи кишварҳои алоҳида имконнопазир буда, барои ин бояд тамоми ҷомеаи ҷаҳон якҷоя саъю кӯшиш намояд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
