Мусодираи маводи мухаддир

Душанбе, 10.02.2015. (АМИТ «Ховар», Муқаддас  Темурзода).- Кормандони  милиса ҳангоми  тафтиши  мошини тамғаи «Нива» — и сокини 23 — солаи ноҳияи Ҳамадонӣ  Хуршед  Насимов  дар  ҳудуди  ноҳияи  Восеъ 84  килограмму  50  грамм  тарёк ва 1  килограмму  950 грамм  героинро  мусодира  намуданд.
Назар  ба  иттилои  ВКД  ҶТ, маводи  мухаддир  аз  бағоҷи  мошини  номбурда  пайдо гардидааст. 
Кормандони  ВКД ноҳияи  Чкалов  дар  ҷараёни  амалиёти  дигари  махсус Азиз  Каримови  30 — соларо, ки  аз ин  пеш  мувофиқи  моддаи  249  ҳукм  шуда  буд,  дастгир  карда,  аз  бастаи  селофании номбурда  350  грамм  героинро пайдо намуданд.