Нақши бузургони миллат дар шоҳроҳи таърих

Душанбе, 14.02.2015. (АМИТ «Ховар», Мавҷуда Анварӣ).-«Бузургони миллат дар шоҳроҳи таърих»-чунин ном дорад китоби доктори илмҳои таърих, профессор Ваҳҳоб Набиев, ки бо се забон- тоҷикӣ, русӣ ва ӯзбекӣ рӯи чоп омадааст. 
Ин китоб ба нақшу аҳамияти фарзандони миллати куҳанбунёди тоҷик дар таърих, ки бо ному корашон дар сафи бузургон қарор гирифта, чун шахсиятҳои ҷасуру фидоӣ ва содиқу сазовор шӯҳратёр гардидаанд, бахшида шудааст.
Китоб аз бахшҳои мухталиф таркиб ёфта, бахшҳои бунёдии онро нақшу аҳамияти асарҳои академик Б. Ғафуров дар тарбияи ватанпарварии ҷавонон, мақоми камназири устод М. Турсунзода дар ташаккули афкори замон ба унвони «пешоҳанги адабиёти муосири тоҷик», саҳми Президенти Ҷумҳурии Тоҷикистон Эмомалӣ Раҳмон дар рушду худшиносиву худсозӣ, густариши ифтихори миллӣ ва татбиқи сиёсати давлатии ҷавонон ташкил медиҳанд.